Fjalët e para të Ronaldos pas kalimit te Al-Nassr

Cristiano Ronaldo tani do të vazhdojë karrierën në Arabinë Saudite, pasi ka kompletuar transferimin te Al-Nassr.

Ronaldo ka nënshkruar kontratë deri më 2025, ku raportohet se do të përfitojë rreth 200 milionë euro në vit.

Ai ka folur pas kompletimit të marrëveshjes, duke thënë se është i emocionuar për një përvojë të re.

“Jam i emocionuar për një përvojë të re në një ligë tjetër dhe në një vend tjetër, vizioni që ka Al Nassr është shumë frymëzues”, ka theksuar Ronaldo.

“Jam shumë i emocionuar të bashkohem me shokët e mi të skuadrës dhe të ndihmoj ekipin të arrijë më shumë sukses”.