Shtyhet ndeshja Besiktas – Antalyaspor, shkak shpërthimi i madh në Stamboll

Ndeshja, e cila është planifikuar të luhet mes dy skuadrave, do të luhet më vonë për shkak të shpërthimit në Beyoglu.

“Si rezultat i vlerësimit të bërë nga Bordi Drejtues i Federatës së Turqisë pas shpërthimit në rrugën Istiklal, ndeshja mes Beşiktasit dhe Antalyaspor, e cila ishte menduar të luhej në orën 20:00 në Vodafone Park, u shty për një datë të mëvonshme. Urojmë edhe një herë mëshirën e Zotit për qytetarët tanë që humbën jetën pas kësaj ngjarje tragjike që shkaktoi pikëllim të madh kombit tonë, ngushëllimet tona për të afërmit e tyre dhe shërim të shpejtë për qytetarët tanë të lënduar”, shkruhet në njoftimin e Federatës.