Video/ Talenti më i madh i Barcelonës merr trashëgiminë e Messit: fanella me numër 10 është e Ansu Fatit

Me merkaton e transferimeve të mbyllur me largimin e Griezmann dhe blerjen e Luuk De Jong, Barcelona më në fund ka vendosur se kujt do t’i caktojë fanellën me numrin 10, të veshur në 13 vitet e fundit nga Lionel Messi para se të transferohej te PSG.

Pesha e trashëgimisë së Pleshtit ka kaluar mbi supet e një tjetri ‘të paracaktuar’, Ansu Fati, i cili më parë ka luajtur me numrin 22 e më pas me 17.

Ansu Fati është ende duke luftuar me pasojat e operacionit të dyfishtë në gjurin e tij të majtë dhe është i ndalur që nga 7 nëntori 2020. Para lëndimit, ylli i ri i Barçës kishte luajtur 10 ndeshje sezonin e kaluar, 7 në La Liga dhe 3 në Liga e Kampionëve.

Gjithsej 596 minuta në të cilat ai kishte shënuar 5 gola (përfshirë një në Clasico kundër Real Madrid) dhe 2 asist.

Pavarësisht se është vetëm 18 vjeç, Ansu Fati tashmë ka bërë 43 paraqitje për Barcelonën, duke shënuar 13 gola (11 në kampionat dhe 2 në Ligën e Kampionëve). Pas Rivaldos, Ronaldinhos dhe Messit, fanella legjendare me numrin 10 është ende në duar të mira.

Our new number ?
Made in La Masia ?❤️
⭐️ @ANSUFATI ⭐️ pic.twitter.com/co6NcpjxOx

— FC Barcelona (@FCBarcelona) September 1, 2021