Italia, nëse nuk humbet sonte, barazon rekordin absolut: në Brazil nuk janë dakord

Italia është në ndjekje të kualifikimit për Kupën e Botës 2022, por edhe një rekordi absolut në historinë e futbollit: ai i kombëtares me më shumë ndeshje zyrtare radhazi pa humbje.

Me 1-1 kundër Bullgarisë, skuadra e Mancinit ka arritur në 35 ndeshje radhazi pa humbje, duke barazuar Brazilin dhe Spanjën: kundër Zvicrës një barazim do të jetë i mjaftueshëm për të bërë histori. Edhe pse dikush nga Brazili pretendon: edhe ne kemi arritur në 36.

Seria e të kaltërve filloi më 10 tetor 2018 me një ndeshje miqësore 1-1 (në datën e FIFA-s dhe prandaj e vlefshme për numërimin) kundër Ukrainës dhe është ende në progres.

Në mes – midis miqësoreve, Ligës së Kombeve, kualifikueseve të Kupës së Botës dhe Evropës, si dhe Euro 2020 natyrisht – janë arritur 29 fitore dhe 5 barazime të tjera, deri në 1-1 e të premtes së kaluar. Në total, pra, 29 suksese dhe 6 barazime.

Por në Brazil, disa besojnë se në serinë prej 36 ndeshjesh pa humbje të ekipit kombëtar 5 herë kampion bote duhet të përfshihet gjithashtu edhe 2-2 i 27 shtatorit 1995 kundër Rumanisë B.

Megjithatë, meqenëse nuk është një sfidë midis dy ekipeve kombëtare A, rregullorja e FIFA-s nuk e përcakton si ndeshje zyrtare dhe për këtë arsye nuk e llogarit në rekord: kështu që do të jetë e mjaftueshme që Italia të mos humbasë, si sonte, ashtu edhe të mërkurën me Lituaninë, për të mbyllur përfundimisht çështjen e rekordit absolut…