Hadergjonaj: Unë vij me dëshirë të madhe, nuk ka rëndësi se në çfarë pozite luaj

Ai ka thënë se te Kosova ndjehet komod në secilin pozicion që luan, pa marr parasysh në të djathtë të mbrojtjes, apo në të majtë.

“Nesër është një ndeshje shumë e rëndësishme për neve, shumë e madhe, e dimë se çfarë ekipi do ta kemi përballë. Një prej më të mirëve në botë, kanë fituar dy apo tre trofe në vitet e fundit. Jemi duke e pritur me gëzim, që të tregojmë vetëm dhe do të jemi në fushë në maksimum”.

“Pozicioni? E kam thënë edhe më parë, jo veç me lagë gojë. Unë vij këtu me gjithë dëshirë, nuk ka rëndësi, a luaj a mbrojtës i djathtë, apo i majtë, apo mesfushor, nuk ka problem. Nuk mendoj shumë se ku luaj, mendoj të jap maksimumin”.

“Nëse mendojmë që nuk arrijmë pikë, nuk do të futeshim nesër në lojë.  E dimë si kemi luajtur në Sevilla kemi humbur 3-1, dhe nuk kemi luajtur keq. Kualitetin e Spanjës e dinë të gjithë. Ne i bëjmë analizat me stafin, është rasti, ne për atë luajmë futboll, me arrit fitore historike”, ka thënë Hadërgjonaj.

Ndërkohë, përballja mes Kosovës dhe Spanjës zhvillohet nesër me fillim nga ora 20:45.