Broja: Edhe kur nuk të fut trajneri, nuk duhet të bëhesh me nerva, shyqyr zotit bëra gol

Sulmuesi është shprehur i lumtur me rezultatin dhe ka thënë se nuk zemërohet me trajnerin Reja.

Ai ka thënë se nuk duhet bërë nervoz kur trajneri nuk i jep minuta, por nuk e ka mohuar se dëshiron të ketë më shumë minuta.

“Shumë krenar për këtë fanellë, për këtë ekip. Ka qenë ndeshje e rëndësishme, duhej ta fitonim medoemos për tre pikët. Më futi trajneri dhe shyqyr Zotit bëra gol dhe u kënaqëm të gjithë.

Goli vjen kur do goli, ka raste që luaj mirë e nuk vjen, më e rëndësishme është të marrësh tre pikë. Ekipi është më i rëndësishëm, unë luajta 20 minuta, por gjithë ekipi ka luftuar në fushë dhe jemi të kënaqur.

Jam lojtar që do të luajë gjithë ndeshjen, por ekipi është më i rëndësishëm dhe kur të fut trajneri 20 minuta, 10 minuta, asnjë, duhet të jesh pjesë e ekipit e duhet të mos bëhesh me nerva dhe të vazhdosh me futbollin

A ndjehem i vlerësuar nga Reja? Nuk di çfarë të them”, deklaroi Broja, përcjell Periskopi.

Broja erdhi nga banka rezervë në këtë ndeshje dhe shënoi golin e fitores. /Periskopi/