Fluturimet ushtarake që evakuojnë diplomatët dhe civilët janë rihapur në aeroportin ndërkombëtar të Kabulit, vetëm një ditë pas skenave kaotike në këtë aeroport.

Të hënën, dhjetëra mijëra afganë u fotografuan duke u përpjekur të iknin, duke krijuar kaos në aeroplanët që fluturonin jashtë kryeqytetit. Pesë persona thuhet se u vranë, megjithëse është e paqartë nëse ata u qëlluan ose u shtypën në rrëmujën e krijuar, shkruan BBC, përcjell Klankosova.tv

Të martën, megjithatë, zyrtarët thonë se situata është shumë më e qetë.

“Shumë njerëz që ishin këtu dje kanë shkuar në shtëpi,” tha një zyrtar i sigurisë perëndimore për Reuters.

Sidoqoftë, Reuters citon dëshmitarë që thonë se të shtëna të herëpashershme ende mund të dëgjohen nga drejtimi i aeroportit.

Fluturimet u pezulluan për pjesën më të madhe të së hënës.

Aeroporti është aktualisht pika e vetme e daljes e hapur për forcat perëndimore nga Afganistani.