Modric mungon ndaj Levante, Ancelotti me vetëm katër mesfushorë në dispozicion

Carlo Ancelotti duhet ta përgatis ndeshjen e radhës në La Liga, ndaj Levante, me vetëm katër mesfushorë në dispozicion.

Real Madrid ka mësuar se do të jetë pa shërbimet e Luka Modric, pasi ky i fundit po vuan nga një lëndim, përcjell Periskopi.

Lojtari do të bëjë teste më të thella nesër, për të parë saktësisht se cila është situata e tij. Kësisoj, ai nuk do të jetë i gatshëm për Levanten.

Ancelotti do të ketë vetëm katër mesfushorë në dispozicion, dhe nga ta emra që nuk kanë qenë pjesë e formacionit bosht të madrilenëve.

Isco,Casemiro, Valverde dhe Blanco janë të vetmit që pozitë natyrale kanë mesfushën.

Mbetet të shihet se si do të rreshtohet Ancelotti, me këta emra në dispozicion. /Periskopi/