Krasniqi: Bekim Azizi do të sjell frymën e re në Viti, me projekte për mirëqenien e qytetarëve

Krasniqi ka thënë se kjo komunë ka nevojë për ndryshim të modelit të qeverisjes dhe kandidati Bekim Azizi ka vullnetin dhe vizionin për ta drejtuar Vitinë drejt zhvillimit që e meritojnë qytetarët.

“Së bashku me profesionistët e rinj, Bekim Azizi do të sjell frymën e re në komunën e Vitisë, me projekte që ndikojnë në mirëqenien e qytetarëve pa dallim, në çdo lagje e në çdo fshat sepse Bekimi do të jetë për të gjithë qytetarët, për perspektivën e tyre, me vizionin e ri për Vitinë”, ka shkruar Krasniqi në Facebook, transmeton lajmi.net.

Kujtojmë se zgjedhjet lokale pritet të mbahen me 17 tetor, ndërsa tashmë ka filluar fushata e subjekteve politike për kandidatët e tyre për kryetar komunash.