Autoritari Lukashenko: Unë mendoj me kokën e Putinit dhe kësaj koke s’dua t’i shkaktoj dhimbje

Lideri autoritar i Bjellorusisë, Aleksandër Lukashenko, ka thënë se ai ‘nuk mendon se shteti i tij duhet t’i bashkohet Rusisë’.

“Mendoj se nuk është e nevojshme që të bëhemi pjesë e Rurisëë sa i përket integrimit ekonomik”, ka thënë Lukashenko për Sputnikun, përcjellin mediat e rajonit, përkthen Periskopi.

“Unë jam që të vazhdojmë partneritetin tonë për bashkëpunim të ngushtë ekonomik. Kur mendoj për bashkimin me Rusinë dhe gjëra të tilla, unë mendoj me kokën e Putinit. A ka nevojë Rusia t’i shkaktojmë më shumë kokdhimbje? Jo. Kjo është mënyra që Rusia e mendon këtë punë”, thotë Lukashenko.

Kujtojmë se Bashkimi Evropian ka kërcënuar me masa të reja kundër udhëheqësit autoritar bjellorus Alyaksandr Lukashenka.

“Pasi regjimi po vazhdon të shpërfill angazhimet ndërkombëtare, BE -ja është e gatshme të marrë në konsideratë masa të mëtejshme”, tha shefi i politikës së jashtme të BE -së Josep Borrell, më 8 gusht.

Komentet e tij u bën në njëvjetorin e zgjedhjeve presidenciale në Bjellorusi, të cilat Lukashenka pretendon se i ka fituar, mirëpo opozita, aktivistës dhe vendet perëndimore nuk e kanë njohur rezultatin e tyre.

Ata thonë se ato ishin të manipuluara. Derisa brenda Bjellorusisë, pas zgjedhjeve, shpërthyen protesta masive, vendet perëndimore e kanë goditur disa herë me sanksione regjimin e Lukashenkas./Periskopi/