Superkompjuteri ka parashikuar tabelën e sezonit 2021/22 në Premier League

Në fakt ka mbetur saktësisht një muaj nga ndeshja e parë në sezonin e ri në Premier League, shkruan Periskopi.

Arsenali hap sezonin me një ndeshje si mysafir i Brentfordit, më 14 gusht nga ora 21:00.

Tash, e kuptojmë se futbolli nuk është diçka që mund të kompjuterizohet dhe të merren shumë për bazë makineritë parashikuese.

Mirëpo, kjo nuk e bën më pak fascinuese dhe intriguese ta kuptojmë si teknologjia ka parashikuar Premier Leaguen.

Dhe sipas ‘Mirror’, tabela e sezonit 2021/22 në Premier League është parashikuar nga superkompjuteri i ‘SportingIndex’, me disa rezultate fascinuese.

Sipas këtij superkompjuteri, Manchester City fiton Premier Leaguen për herë të katërt në pesë sezone.

Rivali i qytetit, Manchester United bie në vendin e katërt, ndërsa Liverpooli zë pozitën e dytë, teksa Chelsea kompleton podiumin në vendin e tretë.

Gjithashtu parashikohet se Arsenali dhe Tottenhami do të kenë përmirësim në renditje nga sezoni i kaluar, duke përfunduar në vendin e pestë dhe të gjashtë respektivisht.

Leicesteri thuhet se do të përfundojë në vendin e shtatë, Evertoni në të tetin, Leedsi në të nëntin, ëest Hami në të dhjetin.

Aston Villa në të 11-tin, Brightoni, Wolves, Southampton, Newcastle United, Burnley dhe Norwich tutje.

Crystal Palace, Brentford dhe Watfordi janë parashikuar si tri skuadrat që do të bien nga liga. /Periskopi.com/