15 minuta më parëShpend Ahmeti pas përmbytjeve: Ekipet emergjente në terren, s’ka vend për panik
Periskopi(5 vite më parë)
(5 vite më parë)Kryetari i Komunës së Prishtinës, Shpend Ahmeti, ka reaguar pas përmbytjeve të gjithandejme në kryeqytet si pasojë e reshjeve të shiut. Ai ka njoftuar qytetarët se ekipet emergjente dhe gjashtë kompani të mirëmbajtjes janë në terren “duke punuar në sajimin e dëmeve eventuale si dhe në mbështetje të qytetarëve”. Ndoshta z. Ahmeti ka menduar në […]
Ai ka njoftuar qytetarët se ekipet emergjente dhe gjashtë kompani të mirëmbajtjes janë në terren “duke punuar në sajimin e dëmeve eventuale si dhe në mbështetje të qytetarëve”.
Ndoshta z. Ahmeti ka menduar në “sanimin e dëmeve” kur ka shkruar “sajimin”.
Ai ka shtuar se “situata është nën kontroll” dhe se “nuk ka vend për panik”.
Statusi i plotë:
Të dashur qytetarë,
Pas reshjeve të mëdha që kanë përfshirë të gjithë rajonin, ekipet emergjente të Komunës së Prishtinës së bashku me gjashtë Kompani të mirëmbajtjes kanë dalë në terren dhe janë duke punuar në sajimin e dëmeve eventuale si dhe në mbështetje të qytetarëve.
Sipas informatave që kemi nga terreni, në disa zona e lagje të qytetit ka vërshime në rrugë. Drejtoria e Shërbimeve Publike është kontaktuar edhe nga Forca e Sigurisë së Kosovës e cila është në gjendje gatishmërie për të mbështetur Komunën në rast nevoje.
Tani për tani situata është nën kontrrollë dhe nuk ka vend për panikë.
