9 orë më parëPas fitores ndaj Qipros, vashat e Kosovës A ballafaqohen sonte me Luksemburgun
Periskopi(5 vite më parë)
(5 vite më parë)Vashat e Kosovës A në basketboll pas fitores dramatike ndaj Qipros 70:68, sonte nga ora 18:00 përballen me Luksemburgun në kuadër të Kampionatit Evropian për Shtete të Vogla, ku “Dardanet” po marrin pjesë për herë të parë. Për Kosovën kjo është ndeshja e dyta në grupe, njëkohësisht edhe e fundit, kurse për Luksemburgun e para, […]
Vashat e Kosovës A në basketboll pas fitores dramatike ndaj Qipros 70:68, sonte nga ora 18:00 përballen me Luksemburgun në kuadër të Kampionatit Evropian për Shtete të Vogla, ku “Dardanet” po marrin pjesë për herë të parë.
Për Kosovën kjo është ndeshja e dyta në grupe, njëkohësisht edhe e fundit, kurse për Luksemburgun e para, derisa të enjten do të përballet me Qipron. Dy kombëtaret e para të Grupit kualifikohen në gjysmëfinale. Në Grupin tjetër bëjnë pjesë Irlanda, Malta dhe Andorra.
Nëse Kosova shënon fitore do të kualifikohet në gjysmëfinale, në të kundërt duhet të presë edhe sfidën e së enjtes Luksemburgu-Qipro për të mësuar fatin e saj.
Basketbollistet e Kosovës tashmë janë liruar nga presioni i përballjes së parë dhe nën udhëheqjen e shtabit teknik do të përgatiten për sfidën e dytë.
Kjo është hera e parë që Kosova A merr pjesë në një garë ndërkombëtare.
