Në këmbë e gjithë Anglia: Reagon kryeministri britanik dhe Federata Angleze pas asaj që ndodhi mbrëmë

Saka, Rashford dhe Sancho kanë qenë subjekt i mesazheve të rënda në rrjetet sociale, pasi humbën penalltitë në 11-metërshat kundër Italisë në ‘Wembley’.

Një komunikatë e publikuar nga Federata Angleze të hënën herët në mëngjes, shkruan: ”Ne nuk mund të jemi më të qartë se kushdo që është prapa një sjelljeje kaq neveritëse, nuk është i mirëpritur të vijë dhe ta ndjekë skuadrën tonë, transmeton Periskopi.

”Do të bëjmë krejt çka mundemi të mbështesim lojtarët e prekur, derisa inkurajojmë dënimet më të rënda të mundshme për përgjegjësit.

”Do të vazhdojmë të bëjmë çka është e mundur që ta largojmë diskriminimin nga loja, por kërkojmë nga qeveria që të veprojë shpejtë dhe të sjelljë legjislacionin e duhur në mënyrë që ky abuzim të ketë pasoja në jetën reale.

”Kompanitë e rrjeteve sociale duhet të marrin përgjegjësi dhe masa për të ndalur abuzuesit në platformat e tyre, të mbledhin prova që mund të shkojnë në pasoja dhe të ndihmojnë që t’i bëjnë platformat e tyre të lira nga ky lloj abuzimi.”

Ndërkohë, kryeministri britanik, Boris Johnson shkroi në Twitter, të hënën në mëngjes: ”Skuadra e Anglisë meriton të konsiderohet si heroike, jo të abuzohet në baza raciste në rrjetet sociale.

”Përgjegjësve për abuzimet e rënda, duhet t’iu vijë turp nga vetja.” /Periskopi.com/