7 orë më parëMajlinda me shokë e shoqe përsëri në fshat: Mësohen datat e ndeshjeve të xhudistëve kosovarë në Tokio
Periskopi(5 vite më parë)
(5 vite më parë)Pas katër viteve, Majlinda Kelmendi me shokë e shoqe rikthehen në fshatin olimpik me synimin e suksesit të mëtutjeshëm, teksa vetë Kelmendi është kampione në fuqi në kategorinë e vetë. Xhudistët janë shpresa më e madhe për medalje në ngjarjen më të madhe shumësportshe. “Shorti në Lojërat Olimpike e ka rëndësinë e vet, por jo […]
Pas katër viteve, Majlinda Kelmendi me shokë e shoqe rikthehen në fshatin olimpik me synimin e suksesit të mëtutjeshëm, teksa vetë Kelmendi është kampione në fuqi në kategorinë e vetë.
Xhudistët janë shpresa më e madhe për medalje në ngjarjen më të madhe shumësportshe.
Në kategorinë deri në 48 kg, do të garojë Distria Krasniqi. Ajo do të garojë më 24 korrik. Në xhiron e parë do të jetë e lirë, kurse në të dytën do të ndeshet me fituesen e meçit ndërmjet Harriet Bonfacet nga Malawi dhe Gabriela Chibanas së Brazilit.
Nora Gjakova do të marrë pjesë në Lojërat Olimpike për herë të dytë. Ajo garon më 26 korrik dhe në kategorinë deri në 57 kg. Në xhiron e parë është e lirë, kurse në të dytën do të ndeshet me fituesen e meçit ndërmjet austriakes Sabrina Filzmoser dhe holandezes Sane Verhagen.
Loriana Kuka merr pjesë për herë të parë dhe ajo garon në kategorinë deri në 78 kg. Është e fundit nga xhudistët kosovarë, pasi garon më 29 korrik. Në xhiron e parë është e lirë, kurse në të dytën do të ndeshet me fituesen e meçit ndërmjet kongolezes Marie Branser dhe ruses Aleksandra Babintseva.
Kosova përfaqësohet me 11 sportistë në LO Tokio 2020, por pos xhudistëve të tjerët vlerësohet se kanë pak gjasa të arrijnë në zonën e medaljeve. Pos xhudistëve, vetëm edhe mundësi Egzon Shala ka shkuar në Tokio me normë të fituar, pesë të tjerët kanë udhëtuar me ftesë.
Kjo është hera e dytë që Kosova merr pjesë në Lojërat Olimpike. Më 2016, ishte hera e parë dhe debutoi me medaljen e artë olimpike të Majlinda Kelmendit.
