I jashtëzakonshmi, Donnarumma shpallet lojtari më i mirë i Euro 2020

Donnarumma ishte shtylla kurrizore e një Italie që e nisi me marshin e 5-të Europianin por më pas në sfidat me eliminim direkt kur gjërat u bënë më të vështira kishte nevojë për pritjet e Donnarummas siç ndodhi ndaj Austrisë e Belgjikës por në ruletën ruse të penalltive në sfidat ndaj Spanjës dhe Anglisë për të ngritur lart për herë të dytë në histori trofeun e një Europiani.

Me meritë në përfundim të finales së Wembley-t Donnarumma u përzgjodh nga UEFA si lojtari më i mirë i turneut me presidentin Aleksander Ceferin që i dorëzoi çmimin.

Me vetëm 22 vite e 136 ditë mbi shpinë, ish-portieri i Milanit u bë portieri i tretë më i ri në moshë që luan një finale mes kampionateve Botërorë dhe atyre Europianë teksa renditet pas Jose Angel Iribar që luajti me Spanjën në Euro 1964 dhe Juan Botasso i cili u aktivizua me Argjentinën në Botërorin e 1930-ës.

“Goli pas vetëm 2 minutash lojë mund të na kishte vrarë, por ne jemi një skuadër që nuk dorëzohemi kurrë dhe jemi të vëmendshëm në çdo top. Nuk ishte e lehtë, jemi treguar spektakolarë, ishim thjeshtë fantastikë”, fjalë këto të Gigio Donnarummas në fund të sfidës.  Në këtë Europian mori një çmim edhe Cristiano Ronaldo që me 5 golat dhe 1 asist të realizuar në 4 ndeshjet e vetme që luajti Portugalia u shpall golashënuesi më i mirë i turneut.

? 3 clean sheets, 9 saves
? Semi-finals penalty shoot-out hero
? Final penalty shoot-out hero

UEFA’s team of Technical Observers have named Italy goalkeeper Gianluigi Donnarumma as their Player of the Tournament ???#EURO2020 | #ITA pic.twitter.com/HWGnaHLGkK

— UEFA EURO 2020 (@EURO2020) July 11, 2021