UEFA fillon hetimet kundër Arnautovicit, ai mund të mos luajë fare më në Euro 2020

Dhe nëse ‘zbulohet’ ndonjë term racist, Arnautovic mund të ndalohet të mos luajë në pjesën e mbetur të turneut “Euro 2020”.

Reprezentuesi i Austrisë, me prejardhje nga Serbia, Marko Arnautovic ka kërkuar falje nëpërmjet një postimi në rrjetin social Instagram, për incidentin që vetë e krijoi me Ezgjan Aliu gjatë ndeshjes Austri – Maqedoni e Veriut.

Arnautovic sipas medieve serbe kishte ofenduar me nënë futbollistin shqiptar Ezgjan Aliu duke përdërorur edhe termin “siptarsku”.

Por derisa e pranoi se gjakrat ishin nxehur dukshëm, 32-vjeçari e mohon të ketë përdorur çfarëdo shprehje raciste ndaj kundërshtarëve. “Kishte fjalë të nxehta dje për shkak të emocioneve të ndeshje, për të cilat dëshiroj të kërkoj FALJE – veçanërisht miqve të mi nga Maqedonia e Veriut dhe nga Shqipëria. Dëshiroj ta them një gjë shumë qartë: UNË NUK JAM RACIST! Unë kam miq gati nga çdo vend dhe jam e mbështes diversitetin. Kushdo që më njeh mua është i vetëdijshëm për këtë. Më falni”, ka shkruar ish futbollisti i disa skuadrave angleze.

Nëse shpallet fajtor, Arnautoviç do të humbte pjesëmarrjen në ‘Euro 2020’ .