Schmeichel zbulon kërcënimin brutal që UEFA i bëri Danimarkës nëse nuk do ta vazhdonte ndeshjen

Derisa mesfushori mori trajtim mjekëor në ‘Parken Stadium’, të gjithë po i frikësoheshin më të keqes.

Kompletimi i ndeshjes apo vazhdimi thjesht nuk ka mundur të ishte më larg mendjes së të gjithë atyre që po e shikonin, transmeton Periskopi.

Gjyqtari Anthony Taylor u mundësoi lojtarëve të rikthehen në zhveshtore, derisa Eriksen u dërgua me nxitim në spital.

Mirëpo, pasi dolën lajmet se Eriksen ishte në gjendje stabile, UEFA konfirmoi se ndeshja do të vazhdonte, 90 minuta pasi u ndal.

Derisa ishte gjë fantastike që Eriksen ishte mirë, sigurisht se lojtarët danezë duhet të jenë ndjerë se nuk janë në gjendjen e duhur për të luajtur futboll, pasi panë një bashkëlojtar gati duke vdekur para syve.

Danezët merituan lavdata që vazhduan ndeshjen, të cilën e humbën 1-0, por duket se ata nuk patën zgjidhje tjetër.

Peter Schmeichel zbuloi se Danimarka pati tri opsione – dhe një prej tyre ishte që ta humbte ndeshjen 3-0 në tavolinë.

”Ata thanë se lojtarët insistuan të luajnë. E di se kjo nuk është e vërtetë,” tha ish-portieri legjendar.

”Ata patën tri opsione. Një ishte të luanin menjëherë dhe të kryenin 50 minutat e mbetur.

”Tjetri ishte të luanin dje dhe të përfundonin 50 minutat e mbetur.

”Dhe opsioni i tretë ishte të humbnin takimin 3-0.

”Kështu që mendojeni edhe vetë. A ishte dëshira e lojtarëve të luajnë? A patën vërtetë ata zgjidhje? Nuk mendoj se patën. Siç mund të keni dëgjuar nga konferenca e djeshme për shtyp, trajneri është penduar seriozisht që ktheu futbollistët në fushë.” /Periskopi.com/