Musliu për deklaratën e Konjufcës për krerët e UÇK-së: S’po guxon të thotë me zë të fuqishëm

Musliu në Dpt te Fidani në T7 tha se Konjufca nuk po ka guxim ta thotë me zë më të fuqishëm, shkruan Gazeta Express.

“Konjufca sikur e ka marrë kthesën, s’po guxon hala me thonë me zë të fuqishëm. Ajo çka ka thonë ai është realitet, sepse në Hagë janë duke u gjykuar krerët e UÇK-së, është duke u gjykuar liria e këtij vendi”, tha ajo.

Po ashtu, Musliu shtoi se krerët që po gjykohen në Hagë nuk janë emra të përveçëm.

“Nuk janë emra të përveçëm, aty është duke u gjykuar një informacion i cili ka lind nga populli“, tha ajo.

Kryetari i Kuvendit të Kosovës, Glauk Konjufca ka folur për luftën e UÇK-së duke thënë se në Hagë po mbahen komandantët më të shquar të UÇK-së.

“Ne jemi duke e vuajtur një proces shumë të vështirë dhe të ndërlikuar të gjykimit në Hagë të disa prej krerëve më të shquar të ushtrisë sonë çlirimtare”, tha ai.

“Lufta e UÇK-së është luftë e drejtë, e pastër dhe ka qenë e domosdoshme dhe ajo e përben themelin e lirisë sonë….Mua ma merr menja që është padyshim politikë zyrtare e shtetit tonë që t’i konsolidojmë grupet që do të merreshin me mbrojtjen e tyre, do të ishin aktiv në këtë proces, jo thjesht spektator, le të themi që është një proces i drejtësisë ndërkombëtare dhe ne po e vëzhgojmë si po zhvillohet ajo, kështu ma merr menja ka qenë, fatkeqësisht qasja e qeverisë së kaluar”, shtoi Konjufca.