Ekspertët e UFO-ve për raportin e Amerikës: Do të na trondis, të përgatiten njerëzit

Lansimi i raportit të Pentagonit për aktivitetet e Programit të Identifikimit të Kërcënimeve Ajrohapësinore ka nxitur interes për ish drejtorin e programit, Luis Elizondon, që ka çuditur edhe ufologët në mbarë botën.

“Ne jemi shumë të bindur që kemi të bëjmë me një teknologji që është shumë-gjeneracionale, me disa gjenerata përpara para asaj që ne e konsiderojmë teknologjia e gjeneratës së ardhshme,” i tha Elizondo Washington Postit.

Por, shumë larg nga Washintoni, në një qytezë të qetë në Todmorden janë ndjerë gurgullimat më të mëdha.

Kjo qytezë ka qenë vendi i një numri të madh eventesh të pashpjegueshme dhe raportimesh për UFO-t, raporton Guardian, përcjell Periskopi.

“Shumë njerëz më kanë ndalur në rrugë e më kanë pyetur “Çka mendoni për raportin?” thotë Colin Lyall, një ufolog që banon në Todmorden.

Alan Godfrey, një ish zyrtar policor dhe ish banor në Todmorden pretendon se ishte kidnapuar nga alienët në vitin 1980 derisa po hetonte vdekjen misterioze të Zigmund Adamskit, një minatori 56 vjeçar.

Godfrey ishte bërë ‘zvezdë’ në këtë qytet, veçanërisht pas publikimit të librit të tij “Kush apo çka ishin ata?”

Lyall është krenar për shoqërinë që ka formuar dhe që Todmoreni po merr vëmendjen botërore.

“Ajo që i ndodhi Alanit bëri vaki para 40 vitesh, por është bërë një moment ikonik në botën e UFO-ve.” – tha ai.

Gary Heseltine, një hulumtues është trimëruar nga raporti që pritet të publikohet nga ShBA-të dhe po kërkon të koordinojë reagimin global dhe të përgatis “kurse për ndërgjegjësimin e publikut”.

“Edhe nëse ndodh pas 10 ditësh apo pas 10 vitesh [konfirmimi i ekzistencës së jetës jashtëtokësore] ai po vjen dhe do të na trondis,” tha ai. /Periskopi