Zyrtare: Nuk do të ketë garanci nga Qeveria për Thaçin dhe të tjerët, ky është arsyetimi

Por, tashmë zëdhënësi i Qeverisë Kurti II, Përparim Kryeziu ka thyer heshtjen për çështjen duke thënë se garancitë nuk mund të ofrohen për shkaqe ligjore.

Arsyetimi i Kryeziut është se Gjykata Speciale është ligjërisht e Kosovës, por me seli në Hagë.

“Gjyqtari Kai Ambos, në opinionin e tij të ndarë nga vendimi për refuzimin e kërkesës për lirim me kusht, eksploron mundësinë që në të ardhmen ‘shtete të treta’ të mund të shërbejnë si garantues të mundshëm për ndonjë të akuzuar. Por Kosova nuk është ‘shtet i tretë’, sepse Gjykata është ligjërisht e Kosovës. Bazuar në dispozitat ligjore, garancia nuk kërkohet as nga shteti amë (Kosova) e as nga kryeministri i shtetit amë (Qeveria e Republikës së Kosovës), nga i cili vjen i akuzuari dhe të cilit shtet i takon Gjykata Speciale me juridiksion. Pra, Kosova nuk mund të shërbejë si garantues, ashtu siç po raportohet. Krahasimet e Gjykatës Speciale me gjykata ndërkombëtare sikurse me Tribunalin e Hagës janë të paqëndrueshme, si në raport me vetë gjykatat – njëra vendore e tjetra ndërkombëtare – ashtu edhe në raport me personat/institucionet që kanë pasur mundësi të ofrojnë garanci”, ka thënë Kryeziu për KOHËN.

Edhe më tej nuk ka pasur asnjë reagim nga Presidenca e vendit. /Periskopi