Ramadani për Gërvallën si dëshmitare të Speciales kundër UÇK-së: Faji te kryeministri Kurti

Ramadani ka thënë se nga qindra fabrikues e deponues të dëshmive në Speciale, Donika Gërvalla mund të jetë më larta për nga profili institucional.

Ai ka thënë se faji është te kryeministri i Kosovës, Albin Kurti, i cili, sipas tij, nuk po garanton për mbrojtjen e Thaçit dhe të tjerëve në liri, por po sigurohet që të jetë furnizues i Speciales me materiale kundër tyre.

“Nga qindra fabrikues e deponues te deshmive ne Gjykaten Speciale, Donika Gervalla mund te jete me e larta per nga profili institucional. Per kete arsye theksi nuk duhet te vendoset te Donika Gervalla, por te shefi i saj, Kryeministri Albin Kurti. Eshte ky i fundit ai qe, jo vetem nuk po jep garancion per mbrojtjen e krereve te UÇK-se ne liri, por po sigurohet qe Qeveria dhe shteti i Kosoves te jene furnizues i Gjykates me material kunder krereve te UÇK-se. Pa Albin Kurtin, Donika Gervalla do te ishte vetem nje deshmitare e rendomte.”

“Nderkohe, posti qeveritar i Kryediplomates e ben ate deshmitare te jashtezakonshme dhe inkrimimon gjithe Republiken ne perpjekjen per te denuar kreret e UÇK-se.”, ka shkruar ai, transmeton Periskopi.

Për këtë deklaratën e Donika Gërvallës ka reaguar edhe Sekretari i Organizatës së Veteranëve të Ushtrisë Çlirimtare (OVL-UÇK), Faton Klinaku.

Klinaku për Periskopin ka thënë se askush nuk duhet të dorëzojë dosje kundër ish-krerëve të UÇK’së në Gjykatën Speciale, sepse, sipas tij, Serbia e ka kryer atë punë./Periskopi/

Klinaku i OVL-së i kërkon përgjegjësi: Në çfarë cilësie ke dorëzu dosje në Speciale, si individ s’mundesh