Juventusi ia del me shumë mund ndaj Udineses

Pas vetëm dhjetë minutash lojë, vendasit kaluan në epërsi me anë të Nahuel Molina që u asistua nga Rodrigo de Paul.

Zonja e Vjetër tentoi që me disa kundërsulme t’i barazonte shifrat, mirëpo nuk ia doli.

Në 45 minutat e dytë, ishin sërish vendasit që filluan më mirë, duke rrezikuar me anë të Tolgay Arslan, por goditja e tij nga afër ishte e pasaktë.

Një tjetër shans të artë e kishte edhe Jens Stryger Larsen në minutën e 67-të, mirëpo topi shkoi larg shtyllës së djathtë.

Lojtarët e Juventusit nuk u dorëzuan dhe i barazuan shifrat në 1-1 me anë të Cristiano Ronaldos (82′), që shënoi nga penalltia.

Ylli portugez doli edhe njëherë në skenë, duke përmbysur shifrat në 2-1 në minutën e 90-të, duke bërë që torinezët t’i marrin tre pikë

Pas javës së 34-të, Juventusi gjendet në pozitën e tretë me 69 pikë, aq sa kanë edhe Milani e Atalanta.