Drita fitoi dhe të paktën përkohësisht rrëmbeu primatin sot, kështu e komenton Nuhiu situatën

Drita mposhti Feronikelin me rezultatin 3-1 në kuadër të xhiros së 32-të të Superligës së Kosovës, për të marrë kreun e tabelës përkohësisht.

Drita erdhi në këtë takim pas humbjes nga Prishtina dhe barazimin me Besën, kështu që trajneri i Dritës, Ardian Nuhiu e vlerësoi reagimin e skuadrës pas dy ndeshjeve të vështira.

“Të gjithë lojtarët janë angazhuar shumë dhe kanë pasur një dëshirë të madhe për tu rikthyer tek fitoret”, tha ai.

“I uroj futbollistët e mi për paraqitjen e mirë sot, duke mos lejuar kundërshtarin të na rrezikonte dhe besoj se me plot meritë kemi fituar ndeshjen”, tha Nuhiu.

“Ishim në një moment të keq në dy ndeshjet e fundit, por sot futbollistët treguan karakter duke reaguar jashtëzakonisht mirë. Ne duhet të punojmë shumë dhe në fund të përballemi me kundërshtarët direkt”, përfundoi Ardian Nuhiu./