Chicharito i pa ndalshëm në MSL

Javier ‘Chicharito’ Hernandez ka bërë një fillim të shkëlqyer të sezonit 2021 në MLS me LA Galaxy, duke shënuar pesë gola mbresëlënëse në dy ndeshjet e tij të para në kampionat.

Ish sulmuesi i Manchester United dhe Real Madridit u soll si transfer i shkëlqyeshëm për të zëvendësuar Zlatan Ibrahimovic.

LA Galaxy pagoi 9.4 milion euro për të sjellë Chicharito nga Sevilla dhe gjërat nuk ishin të lehta në fillim. Pandemia COVID-19 do të thoshte që tifozët nuk mund të merrnin pjesë në ndeshje dhe shitjet e fanelave ranë. Pas një dëmtimi në fillim të kohës së tij në LA, 32-vjeçari shënoi vetëm dy herë në 12 ndeshje.

Pasi u kritikua  shumë nga shtypi meksikan dhe ai amerikan, Chicharito u përgjigj me dy gola kundër Inter Miami në një fitore 3-2 jashtë në ditën e parë të ndeshjes këtë sezon, e ndjekur nga një hat-trick në një fitore 3-2 ndaj New York City në ndeshjen vijuese.

Hernandez po shijon futbollin e tij dhe po tregon atë instinktin grabitqar që pamë gjatë kohës së tij në Manchester United, ku ai shënoi 59 nga 163 golat e tij në karrierë me klube.

Chicharito u soll për të rritur vlerën e tregut të klubit dhe nëse ai thirret në ekipin kombëtar meksikan, shitjet e fanellave në Kaliforni me siguri do të rriten dukshëm, dhe kjo mund të jetë shumë e dobishme për klubin./Periskopi