Akuzat e Gërvallës ndaj Rexhep Selimit: Shqipe Selimi thotë se “nuk është koha një herë” për t’i komentuar ato

Jo më larg se para një viti, Gërvalla Schwarz kishte kritikuar ashpër Vetëvendosjen për emërimin e Selimit në pozitën e Shefit të Grupit Parlamentar të Vetëvendosjes.

Ajo e cilësonte Selimi, pa ofruar ndonjë provë, si “figurë të botës së krimit”. Sot, deklaratat e Gërvalla Schwarz u mbrojtën edhe nga shefi i saj, Albin Kurti. Periskopi ka dashur të dijë qëndrimin e bashkëshortes së Rexhep Selimit, deputetes Shqipe Selimi, në lidhje me deklaratat e dhëna nga Gërvalla në shkurtin e 2020-s. “Gërvalla në shkurtin e vitit 2020 e kishte konsideruar Rexhep Selimin [burrin tuaj] si “figurë të botës së krimit”.

Si e vlerësoni këtë deklaratë?” – e ka pyetur gazetari. “P’e di për çka më ke thirrë. Negative e ki përgjigjen. Më vjen keq por nuk jam e gatshme për intervistë qitash, tjetër herë për naj temë mujna me fol. Po nuk jam e gatshme hiç unë për me folë për këtë teme. Për tema tjera mujna me fol me diskutu, por për këto një herë nuk është koha me fol hiç?” – ka thënë ajo./Periskopi/

“Figurë e botës së krimit”: Denoncimet e rënda të Donika Gërvallës ndaj Rexhep Selimit vitin e kaluar