14 minuta më parëProkuroria s’ua jep 27 materiale, avokatët e Gucatit e Haradinajt: Gjykatësi ju ka urdhëruar ta bëni
Periskopi(5 vite më parë)
(5 vite më parë)Prokuroria dhe mbrojtja e Hysni Gucatit e Haradinajt po e kundërshtojnë njëra-tjetrën në seancën e radhës paragjyqësore ndaj krerëve të OVL-së së UÇK-së lidhur me procesin e këmbimit të materialeve paragjyqësore. Një prokuror i ZPS-së ka thënë se mbrojtja ka kërkuar 27 materiale të cilat Prokuroria s’ua ka ofruar pasi i konsideron jorelevante për avokatët. […]
Një prokuror i ZPS-së ka thënë se mbrojtja ka kërkuar 27 materiale të cilat Prokuroria s’ua ka ofruar pasi i konsideron jorelevante për avokatët.
“Mbrojtja ka bërë kërkesë për 27 materiale dhe ne nuk kemi menduar që ky informacion është i vlefshëm për mbrojtjen”, ka thënë prokurori.
“Disa informacione u dhanë, disa jo”, shtoi ai.
Në anën tjetër, Jonathan Reese, avokat i Hysni Gucatit ka thënë se po kërkojnë vetëm atë për të cilën gjykatësi Nicolas Guillou e ka urdhëruar Prokurorinë që ta bëjë.
“Prokruroria thotë se nuk po kupton çfarë po kërkon mbrojtja. Është ajo që keni urdhëruar ju Z.gjykatës”, tha ai. “Nxjerrje të plotë dhe njoftim të hollësishëm pa vonesë”, shtoi Reese.
Ai përsëriti kërkesën e tij, që mbështetet edhe nga mbrojtja e Nasim Haradinajt.
“Ne kërkojmë një listë me të gjitha materialet e hollësishme që i duhet mbrojtjes”, tha avokati Reese.
