Mediat angleze: Takimi Shqipëri – Angli mund të anulohet, policia nuk garanton siguri

Ky takim është duke u rrezikuar, pasi Drejtoria e Policisë së Tiranës, nuk ka garantuar siguri për zhvillimin e ndeshjes në stadiumin “Air Albania në kryeqytet”.

E përditshmja angleze “Daily Mail”, ka publikuar lajmin ku thuhet se kjo ndeshje mund të anulohet për shkak se Federata e Futbollit të Shqipërisë, nuk mund të garantojë sigurinë e dy skuadrave.

“Takimi i Anglisë ndaj Shqipërisë për kualifikimet e Kampionatit Botëror mund të anulohet, Federata nuk garaton që do të ketë mjaftueshëm policië për sigurinë e dy ekipeve” – është titulli në gazetën më të shitur në Angli.

Në një njoftimi të publikuar gjatë ditës së sotme, Federata Shqiptare e Futbollit deklaroi se anulimi i ndeshjes Shqipëri-Angli e parashikuar për t’u luajtur në “Air Albania Stadium”, do të kishte pasoja katastrofike për imazhin e vendit.

Shefi i Policisë së Tiranës,  Rebani Jaupi, është deklaruar se për shkak të strukturave permanete të hekurit, nuk garantohet marrja e masave  para, gjatë dhe pas zhvillimit të ndeshjes Shqipëri-Angli, në datë 28 Mars 2021, ora 18:00.

Kryeministri i Shqipërisë, Edi Rama, ditë më parë refuzoi kërkesën e FSHF-së, që takimi të zhvillohet me 30% të kapacitetit, që është ekuivalent i 6500 tifozëve të cilët kanë marrë vaksinën anti Covid 19.

Kujtojmë që kjo ndeshje është e planifikuar të zhvillohet të dielën me fillim nga ora 18:00, në stadiumin “Air Albania”, në Tiranë