4 minuta më parëHoxhaj: Vjosa është përçarëse dhe nuk e përfaqëson unitetin, andaj ne nuk e votojmë
Periskopi(5 vite më parë)
(5 vite më parë)Kreu i Partisë Demokratike të Kosovës, Enver Hoxhaj, ka deklaruar se partia që ai drejton nuk ka votë për të zgjedhur Vjosa Osmanin për Presidente. “Ajo është treguar një figurë përçarëse, aspak përbashkuese dhe nuk e përfaqëson unitetin e popullit. Duke qenë e motivuar partiakisht dhe që përfaqëson interesat e vetëm një partie dhe liderit […]
Kreu i Partisë Demokratike të Kosovës, Enver Hoxhaj, ka deklaruar se partia që ai drejton nuk ka votë për të zgjedhur Vjosa Osmanin për Presidente.
“Ajo është treguar një figurë përçarëse, aspak përbashkuese dhe nuk e përfaqëson unitetin e popullit. Duke qenë e motivuar partiakisht dhe që përfaqëson interesat e vetëm një partie dhe liderit të saj, znj. Osmani nuk mund të jetë aspak e denjë për pozitën e presidentes“, ka shkruar Hoxhaj në Facebook, transmeton Periskopi.
Ai ka thënë se PDK-ja nuk do të tradhtojë besimin e votuesve të kësaj partie, duke thënë se PDK-ja do të jetë partia e vetme në opozitë që do ta ballafaqojnë deri në fund pushtetin e ri. /Periskopi
Postimi i plotë:
Partia Demokratike e Kosovës nuk ka votë për Vjosa Osmanin për presidente të ardhshme të Kosovës. Ajo është treguar një figurë përçarëse, aspak përbashkuese dhe nuk e përfaqëson unitetin e popullit. Duke qenë e motivuar partiakisht dhe që pëfaqëson interesat e vetëm një partie dhe liderit të saj, znj. Osmani nuk mund të jetë aspak e denjë për pozitën e presidentes.
PDK-ja nuk do ta tradhëtoj besimin e votuesve të saj. Ne jemi partia e vetme në opozitë që do ta ballafaqojmë deri në fund pushtetin e ri, do t’i përfaqësojmë qytetarët e Kosovës dhe do ta mbajmë përgjegjëse për çdo premtim e vendim. PDK sikurse e kemi thënë gjatë zgjedhjeve, do të jetë fronti i vetëm politik në Kosovë kundër boshtit populist të përfaqësuar nga z. Kurti.
