6 orë më parëFjalët e Pirlos pas ‘horrorit’ të Juventusit kundër Beneventos
Periskopi(5 vite më parë)
(5 vite më parë)Andrea Pirlo ka thënë se ishte ‘ditë e keqe’ në çdo aspekt, teksa Juventusi u shokua sot në shtëpi nga Benevento. Biankonerët u mposhtën 1-0 nga skuadra që po lufton për mbijetesë, e cila madje nuk kishte fituar në 11 ndeshje në Serie A, transmeton Periskopi. A e ndjeu Juve presionin e fitores kundër një […]
Andrea Pirlo ka thënë se ishte ‘ditë e keqe’ në çdo aspekt, teksa Juventusi u shokua sot në shtëpi nga Benevento.
Biankonerët u mposhtën 1-0 nga skuadra që po lufton për mbijetesë, e cila madje nuk kishte fituar në 11 ndeshje në Serie A, transmeton Periskopi.
A e ndjeu Juve presionin e fitores kundër një skuadreje shumë më të dobët?
”Nuk pati presion, vetëm pritshmëri për të luajtur më mirë se kaq. Ishte një ditë e keqe në çdo aspekt, në sjelljen tonë, gabimet teknike, gjithçka. Kur luani kështu, edhe mund të humbni,” tha Pirlo.
”Ne ishim të vendosur të fitonim, por gjithashtu e dinim se do të ishte e vështirë, pasi Benevento është skuadër mirë e organizuar me dy vija të ngushta, kështu që u desh të ishim të qetë dhe t’i shpërndanim.
”Mirëpo nuk ndodhi, bëmë shumë gabime dhe fatkeqësisht nuk morëm rezultatin që deshëm.” /Periskopi.com/
