Australia vazhdon vaksinimin me AstraZeneca, zyrtari: Është e sigurt

Zyrtati mjekësor Paul Kelly tha se grupi ekspert i qeverisë për vaksinat vendosi se “nuk kishte asnjë arsye për të ndaluar përdorimin e vaksinës AstraZeneca në Australi”.

Ai tha se ekspertët kishin parë përhapjen e vaksinës në Angli, ku 11 milion njerëz kishin marrë vaksinën AstraZeneca pa incidente në mpiksjen e gjakut.

“Unë jam i sigurt se është efektive,” tha ai.

“Administrata është e vetëdijshme për këtë çështje dhe gjithashtu nuk sheh ndonjë lidhje midis vaksinës AstraZeneca dhe mpiksjes së gjakut.”

Profesori Kelly gjithashtu zbuloi se nuk kishte asnjë incident së mpiksjes së gjakut te australianët  të cilët kishin marrë tashmë vaksinën AstraZeneca.

Në Evropë, lista e vendeve që po pezullojnë  vaksinimin me  AstraZeneca vazhdon të rritet.

Së bashku me vendet evropiane si Danimarka, Norvegjia dhe Austria, tani Franca dhe Gjermania janë bashkuar me shtetet që pezullojnë përdorimin e vaksinës derisa të përfundojë hetimi për një lidhje të mundshme me mpiksjen e gjakut.

Vaksina AstraZeneca Covid-19 do të jetë themeli i planit të vaksinimit në Australi.

Punonjësit e kujdesit shëndetësor në vijën e parë dhe personeli i karantinës së kufirit dhe hotelit në Australi kanë marrë vaksinën Pfizer Covid-19, por pjesa më e madhe e popullsisë do të vaksinohen me  AstraZeneca.

Australia po merr dërgesa të rregullta të vaksinës AstraZeneca por kompania australiane e bioteknologjisë CSL do të prodhojë deri në një milion doza në javë , raporton ABC News.