A ka ftohje të raporteve mes Abdixhikut dhe Mustafës? Kështu u përshëndetën pas zgjedhjes së kryetarit

Shpallja e kandidaturës për kryetar të LDK-së nga Besian Mustafa, kishte lënë të habitur kandidatin tjetër, Lumir Abdixhikun, i cili kishte thënë se nuk është njoftuar nga Mustafa për këtë veprim, por e kishte parë në media.

Sipas raportimeve në media, raporti mes tyre ishte më i ftohur në krahasim me kandidatin tjetër, Lutfi Hazirin, shkruan Periskopi.

Në pamjet e postuara në faqen zyrtare të LDK-së, ku shihej mbarëvajtja e Kuvendit, Lutfi Haziri shihej duke u përshëndetur ngrohtësisht me Lumir Abdixhikun por edhe me Besian Mustafën, por një përshëndetje e tillë nuk është parë mes Abdixhikut dhe Mustafës.

I njëjti raport si duket ka vazhduar edhe pas fitores së Lumir Abdixhikut, i cili u pa i afërt me Lutfi Hazirin, por më i stepur ndaj Besian Mustafës.

Më poshtë mund të shihni momentet e përshëndetjes mes Hazirit dhe Abdixhikut dhe pastaj mes Mustafës dhe Abdixhikut. /Periskopi

Lumir Abdixhiku dhe Besian Mustafa