Tuchel flet pas rrëshqitjes me Southamptonin: Nuk isha i kënaqur me Hudson Odoin, prandaj e largova pas 30 minutave

Mason Mount anuloi golin e epërsisë së nikoqirëve të shënuar nga Takumi Minamino në pjesën e parë, shkruan Periskopi.

Tuchel ngriti shumë vetulla kur vendosi ta largojë Callum Hudson-Odoin vetëm 30 minuta pasi e inkuadroi në pjesën e dytë.

E këtë vendim ai e komentoi në konferencë për shtyp, duke thënë: ”Nuk isha i lumtur me lëvizjet e tij trupore dhe sjelljen në presing.

”Nganjëherë marr këto vendime për të fituar ndeshje, Gabimet nuk janë problem, por nuk duhet të na mungojë energjia.

”Ishte e vështirë të krijojmë shanse dhe na duhej kundër-presingu për të detyruar gabime në topin e dytë dhe të fitonim shans të lehtë. U desh të ishim të mprehtë me kundër-presing dhe nuk e pashë këtë nga Callum sot. Nuk e ndjeva atë, por i besoj.”

Sa i përket ndeshjes në përgjithësi, Tuchel shtoi: ”Po, ne i patëm gjithë rastet dhe mundësitë për të fituar. Ishim shumë të mirë në 80 metra në fushë, por në 20 metrat e fundit nuk isha i lumtur me paraqitjen.” /Periskopi.com/