6 orë më parë”Nuk e lamë Atl Madridin të marrë frymë” – Tuchel i impresionuar me paraqitjen e Chelseat mbrëmë
Periskopi(5 vite më parë)
(5 vite më parë)Trajneri i Chelseat, Thomas Tuchel, është shprehur i lumtur me paraqitjen e ekipit të vet kundër skuadrës mbrojtëse të Atletico Madridit, që kulmoi me një fitore 1:0 në Ligën e Kampionëve të martën. Goli mahnitës me gërshërë i Olivier Giroud në pjesën e dytë i mjaftoi Chelseat për të fituar në Bukuresht, para ndeshjes së […]
Goli mahnitës me gërshërë i Olivier Giroud në pjesën e dytë i mjaftoi Chelseat për të fituar në Bukuresht, para ndeshjes së kthimit në 1/8 e finales në Stamford Bridge.
Tuchel tha se të kaltrit parashikuan se kundërshtari i tyre do të mbrohej me shumë futbollistë dhe thotë se është i kënaqur që djelmoshat e tij ia dolën ta thyenin murin e Atleticos për të shënuar.
“Rezultat fantastik, gol fantastik. Më së e merituar”, tha Tuchel për BT Sport.
“Ne donim të dominonim në pjesën e fushës së kundërshtarit, të mos e humbnim përqendrimin dhe të mos bënim gabime të lehta dhe të ishim gjithmonë të vetëdijshëm për kundërsulmet e tyre”, shtoi ai.
“Ne e dinim se ata ishin të gatshëm të mbroheshin me tetë futbollistë në zonë. Ne nuk i lejuam ata të merrnin frymë apo të dilnin në kundërsulm. Ky rezultat na shpërbleu shumë”, nënvizoi ai.
