FIBA Evropa e impresionuar me FBK-në: Faleminderit për përpjekjet e bëra, nuk ishte e lehtë

“Në emër të FIBA Europe, dëshiroj të shpreh mirënjohjen time për federatën tuaj dhe Komitetin Organizativ Lokal. Faleminderit përpjekjeve të bëra për të pritur Flluskën e Para-Kualifikuesve të Kupës Botërore të Basketbollit FIBA 2023 nga 15 deri më 21 Shkurt 2021 në Prishtinë.

Ne e vlerësojmë angazhimin tuaj për të organizuar me sukses flluskën, një detyrë jo e lehtë në këtë skenar pandemik Covid-19 me disa kufizime në drejtim të udhëtimit dhe organizimit të ngjarjeve.

Ne vlerësojmë mbështetjen dhe angazhimin tuaj për të përfshirë autoritetet tuaja shtetërore për të marrë lejet e nevojshme dhe/ose përjashtimet për të lehtësuar hyrjen dhe qëndrimin e lojtarëve në vendin tuaj.

Përkundër të gjitha vështirësive, së bashku me ju dhe ekipin tuaj, ne kemi qenë në gjendje të kapërcejmë të gjitha pengesat dhe të përfundojmë garat e planifikuara në një mënyrë të suksesshme.

Ne shpresojmë të presim ngjarje të mëtejshme në vendin tuaj”, thuhet në letrën nga Novak, dërguar FBK-së.

Nga 15 deri më 21 Shkurt, 4 kombëtare, Kosova, Islanda, Sllovakia dhe Luksemburgu ishin akomoduar në Prishtinë, derisa ndeshjet u zhvilluan më 18 dhe 20 Shkurt. Përkundër vështirësive dhe gjendjes me Covid-19, FBK ka organizuar në mënyrën më të mirën garën që u zhvillua në kryeqytetin e Kosovës, duke marrë lëvdata nga FIBA Evropa.

FBK më herët ka organizuar Kampionatin Evropian, Divizioni C për meshkuj U18 dhe Evropianin e Divizionit B për femra U20, kurse gjatë kësaj vere do të organizojë Evropianin e Divizionit C për meshkuj U16.