Chelsea është ‘shumë optimist’ se do ta transferojë Haalandin në verë

Të mërkurën e kaluar, sulmuesi i Borussia Dortmundi ua kujtoi të gjithëve pse ai është prej më të kërkuarve në botë, transmeton Periskopi.

Ai shënoi dy herë dhe regjistroi një asist në fitoren 3-2 si mysafir i Sevillas në Champions League.

Norvegjezi pastaj e përcolli atë paraqitje sensacionale me një performancë tjetër masterklas kundër Schalkes në fundjavë.

Ai realizoi dy herë në fitoren 4-0 të Dortmundit.

20-vjeçari është talenti kryesor në Evropë aktualisht, derisa duket i destinuar për një transferim të bujshëm në verë.

Marrë parsysh se klauzola e tij prej 75 milionë eurove nuk është aktive deri në verën e vitit 2022, Haaland qartazi nuk do të kushtojë pak nëse dikush dëshiron ta transferojë këtë verë.

Mirëpo, kjo nuk e ka ndalur Chelsean që të bëjë lëvizje në prapaskena.

Siç raportohet nga Dean Jones për ‘Eurosport’, skuadra e Thomas Tuchelit është ‘shumë optimiste’ se do të sigurojë shërbimet e sulmuesit shtatlartë.

”Të Kaltërit” kanë nevojë për një sulmues të profilit të lartë dhe kjo ka ndikuar që ata të bëjnë tentativa shtesë dhe besojnë se po bëjnë progres që ta bindin sulmuesin të kalojë në ‘Stamford Bridge’.

Natyrisht, shpresat e tyre do të pësonin goditje të madhe nëse dështojnë të sigurojnë top katërshen këtë sezon, teksa përballet me garë të fortë nga Manchester City për Haalandin. /Periskopi.com/