Ndeshja e vitit erdhi: Guardiola takon ‘babën’, shihni sa inferior është Man City ndaj Leeds United

Leeds United po dëmtohet shumë nga gjyqtarët këtë sezon duke parë formën e jashtëzakonshme që kishte vitin e kaluar, pasi u rikthyen pas 16 vitesh mungesë në Premier Ligë.

Në ndeshjen e fundit, ekipi i Bielsas humbi 3-2 në Stamford Bridge por vetëm pasi iu akorduan dy penalti të paqena ekipit që pronësohet nga oligarku rus Roman Abramovich.

City ndërkohë e fitoi me mjaft zor ndeshjen kundër Wolvesit, me anë të një penaltie po ashtu të kontestueshme që e konvertoi në gol Raheem Sterling.

Por, cila është historia mes Man. Cityt dhe Leedsit?

Leeds Unitedi i vogël i Marcelo Bielsas vitin e kaluar ka mahnitur totalisht botën e futbollit me stilin unik të lojës.

Edhe pse munguan 16 vjet në elitën e futbollit anglez dhe kishin qenë edhe në ligë të tretë, Leeds tubuan 59 pikë dhe dolën në vend të nëntë, që ishte sukses i jashtëzakonshëm.

Në proces, Leeds u ndesh dy herë me Man Cityn e frikshëm të Pep Guardiolas së frikshëm.

Në ndeshjen e parë të luajtër në Leeds, Elland Road, Leeds mori vetëm barazim 1-1 me Cityn që do të shpallej kampion në fund.

Ndërkohë, në ndeshjen e dytë Leeds kishte arritur të fitonte ndaj ekipit të Guardiolas si mysafir me rezultat 2-1 edhe pse kishte luajtur për 50 minuta me një lojtar më pak në fushë.

Mos të harrojmë, po flasim për ekipin që do të fitonte titullin e kampionit të Premier Ligës dhe që do të shkonte në finale të Champions League [e që e meritonte ta fitonte].

Sidoqoftë, Leeds dhe City kanë histori edhe më të moçme se sa rivaliteti aktual.

Në 16 ndeshje mes tyre, City ka arritur të fitojë vetëm katër ndeshje, Leedsi i ka fituar shtatë, derisa pesë ndeshje të tjera janë ndarë me barazim.

Duke folur para ndeshjes, trajneri Guardiola kishte vetëm fjalë jashtëzakonisht të mira për Leedsin duke thënë se ishte një ekip me lojë totalisht të paparashikueshme. /Periskopi