6 orë më parëKur Hodgson e shiti gabimisht lojtarin e Liverpoolit duke menduar se ishte tjetri
Periskopi(4 vite më parë)
(4 vite më parë)Liverpooli ka ngjitur një ‘mal’ të tërë që nga ditët e errëta të Roy Hodgsonit në klub. Hodgson mbijetoi vetëm 20 ndeshje në ‘Anfield’, para se të shkarkohej me vetëm pesë fitore në gjashtë muaj qëndrim, transmeton Periskopi. Ai e la klubin vetëm katër pikë mbi zonën e rrezikshme në tabelë. Regjimi katastrofal nuk ishte […]
Hodgson mbijetoi vetëm 20 ndeshje në ‘Anfield’, para se të shkarkohej me vetëm pesë fitore në gjashtë muaj qëndrim, transmeton Periskopi.
Ai e la klubin vetëm katër pikë mbi zonën e rrezikshme në tabelë.
Regjimi katastrofal nuk ishte krejtësisht faji i Hodgsonit. Liverpooli kishte një skuadër të dobët dhe problemet jashtë fushës në lidhje me pronarët qartazi nuk ndihmuan në kauzën.
Por shpejt u bë e qartë se Hodgson nuk e ksihte mentalitetin e duhur për të menaxhuar një prej klubeve më të mëdha në botën e futbollit.
Përveç konferencave bizare për shtyp, ai gjithashtu bëri disa transferime katastrofale.
Në fakt, një storie sugjeron se njëherë ai shiti lojtarin e gabuar te Fulhami.
Pasi mori drejtimin në verën e vitit 2010, Hodgson peshkoi te ish klubi për Paul Konchesky. Sa më pak për transferimin 5-milionësh të tij, aq më mirë.
Si pjesë e marrëveshjes, Lauri Dalla Vale dhe Alexander Kacaniklic kaluan në ‘Craven Cottage’.
Mirëpo, sipas Kacaniklic, Hodgson deshi të shiste një Alex tjetër dhe jo atë.
”Ishte e vështirë për Liverpoolin të më zëvendësonte, por kur isha në Fulham dhe para se të nënshkruaja, pata një bisedë me Roy Hodgsonin në telefon, ku ai zbuloi se e kishte zgjedhur Alexin e gabuar,” tha Kacaniklic.
”Në kokën e tij, ai mendoi se kishte shitur një Alex tjetër për Koncheskyn. Por pastaj ishte shumë vonë.
”Pastaj ai thjesht më tha se isha i mirëseardhur te Liverpooli me krahë të hapur, por që mund të bëja atë që ndjeja. Deri atëherë, unë tashmë e kisha ndarë mendjen dhe isha shumë i emocionuar që po vija te Fulhami.”
Wow. Paramendoni nëse Kacaniklic të ishte shndërruar në superyll te Fulhami.
Fatmirësisht për Hodgsonin dhe Liverpoolin, nuk doli të ishte ashtu.
Suedezi bëri 100 paraqitje për Fulhamin në Premier League dhe Championship dhe u dërgua në huazim te Watfordi dhe Burnley.
Ai pastaj kaloi te Nantes si transfer i lirë më 2016, para se të rikthehej në vendlindje, te skuadra Hammarby, në shkurt të vitit 2019 si 30-vjeçar.
Tash ai luan për Hajduk Splitin në Kroaci. /Periskopi.com/
