Dedaj për shkarkimin: Ndaj meje është bërë një sulm brutal

Ai në emisionin “Frontal”, në T7 tha se ndaj tij nuk ka pasur  asnjë vërejtje për shkarkim dhe se ai është shkarkuar pa asnjë arsye.

“Ndaj meje është bërë një sulm brutal, mundem me thënë barbar edhe në inkriminime sepse unë jam ambasador politik me mandat katërvjeçar. Ambasadorët politik e kanë vetëm një mandat dhe brenda mandatit politik nuk mund të shkarkohet një ambasador cilido qoftë ai pa u përmbushur pesë kërkesa që janë: nëse ambasadori kërkon vet largimin për shkaqe shëndetësore, nëse ka shkel ligjin, nëse ka vërejtje nga MPJ-ja që e ka deleguar, nëse ka vërejtje për punën e tij nga shteti pranues dhe atëherë mund të kërkohet shkarkimi”, ka thënë ai.

Më tutje, Dedaj tha se për shkarkimin e tij është njoftuar vetëm nga mediat.

“Unë jam njoftuar vetëm nga mediat. Unë një farë veterani. Kam një meritë modeste për skemën politike dhe pavarësinë e Kosovës.

Dedaj ka thënë se është duke u përgatitur për beteja të tjera politike.

“Për momentin jam në atë që në letërsi quhet ‘heshtja krijuese’. Jam duke u përgatitur për beteja të ardhshme politike, sepse kam përvojë, energji, dëshirë dhe vullnet t’i kontribuojë vendit tim që i kam shërbyer tash e 30 vjet në proceset integruese euro-atlantike”, ka deklaruar Dedaj.