3 minuta më parëBislimi pas konstatimit të GjK: Kushtetuta o vlenë për të gjithë, o bëhet tepih mbi të cilën shkelë si në bahçe të babës
Periskopi(4 vite më parë)
(4 vite më parë)Gjykata Kushtetuese e Republikës së Kosovës ka konstatuar se Kuvendi i Republikës së Kosovës ka vepruar në kundërshtim me Kushtetutën e Republikës së Kosovës në momentin kur ka vendosur për shkarkimin e pesë anëtarëve të Këshillit Pavarur Mbikëqyrës për Shërbimin Civil të Kosovës në qershor të këtij viti. Faton Bislimi i LDK-së përmes një postimi […]
Faton Bislimi i LDK-së përmes një postimi në facebook është shprehur se Kushtetuta e Republikës nuk duhet të bëhet tepih mbi të cilën shkilet me çizme e shtiklla për interesa partiake.
Sipas Bislimit Aktvendimit të publikuar sot i Gjykatës Kushtetuese vërteton se 62 deputetë të Kuvendit të Kosovës e kanë shkelur Kushtetutën e vendit kur kanë votuar (jashtëligjshëm) për shkarkimin e anëtarëve të KPMSHC, përcjell Periskopi.
“Nëse për shkak të vendimeve të po kësaj gjykate janë rrëzu Presidentë e Qeveri nga pozita, a nuk duhet i njejti parim të vlejë edhe për vet deputetët që me vendim të së njejtës gjykatë vërtetohet se e kanë shkelë Kushtetutën?! Standardet e dyfishta s’kanë vend në demokraci mirëfilli! Kushtetuta o vlenë për të gjithë dhe barabarsisht, o bëhet tepih mbi të cilën kushdo kurdo shkelë si në bahçe të babës!”, ka shkruar Bislimi.
Ndryshe Gjykata Kushtetuese e bëri këtë konstatim pas kërkesës së parashtruar nga deputeti i PDK-së, Abelard Tahiri dhe dhjetë deputetë të tjerë.
“Gjykata Kushtetuese e Republikës së Kosovës shqyrtoi kërkesën KO 127/21, të parashtruar nga Abelard Tahiri dhe dhjetë (10) deputetë të tjerë të Kuvendit të Republikës së Kosovës, në të cilën u kërkua që të bëhet vlerësimi i kushtetutshmërisë së Vendimit [nr. 08-V-029], të Kuvendit të Republikës së Kosovës, të 30 qershorit 2021, për shkarkimin e pesë (5) anëtarëve të Këshillit të Pavarur Mbikëqyrës për Shërbimin Civil të Kosovës.
Në vlerësimin e kushtetutshmërisë së Vendimit të kontestuar të Kuvendit, Gjykata njëzëri vendosi që (i) kërkesa është e pranueshme; (ii) Vendimi [nr.08/V-029] i 30 qershorit 2021 i Kuvendit nuk është në pajtueshmëri me paragrafin 2 të nenit 101 [Shërbimi Civil] të Kushtetutës; (iii) të shfuqizojë Vendimin e lartcekur; (iv) të shfuqizojë Masën e Përkohshme të përcaktuar përmes Vendimit të Gjykatës, të 21 tetorit 2021; dhe (v) të refuzojë kërkesën për seancë dëgjimore”, thuhet në vendim./Periskopi.com/
Statusi i plotë:
