Vazhdon saga Real-Mbappe: Francezi zë ballinat e medieve spanjolle këtë mëngjes

Saga për yllin francez po vazhdon edhe pas mbylljes së merkatos, me lojtarin që tashmë thuhet se në janar mund t’i bashkohet Real Madridit.

Gjithçka u nxit nga disa komente të dhëna dje nga ai, ku thuhej se ai ka kërkuar largimin nga PSG qysh në muajin korrik, përcjell Periskopi.

Po ashtu, Mbappe komentoi edhe fjalët e presidentit të PSG se Kylian nuk do të largohet KURRË falas nga Parisi. Këto komente ai i quajti  të frikshme.

Sot, mediet spanjolle e vendosin lojtarin në ballinë dhe shkruajnë për transferimin e tij në janar, anash “pesë transferimeve” të Barcelonës.

E ardhmja e Kylian Mbappe është më e rëndësishmja në aspektin sportiv në Spanjë. Mbetet të shihet se çfarë do të ndodh me lojtarin e PSG. /Periskopi/