Sir Alex u dëgjua duke i thënë Khabibit ‘duhet ta startosh gjithmonë lojtarin më të mirë’, pas barazimit me Evertonin

Solskjaer, i cili bëri pesë zëvendësime në skuadër pas fitores dramatike kundër Villarrealit në mesjavë, filloi me Ronaldon dhe Paul Pogban në bankën rezervë, për të nxitur kritika nga ish-trajneri Sir Alex, transmeton Periskopi.

Pavarësisht se po avanconte 1-0 kundër ‘Toffees’, Unitedi eventualisht barazoi 1-1, falë një goli nga Andros Townsend, me Ronaldon që u inkuadrua në minutën e 57-të nga banka rezervë.

Ferguson u pa duke diskutuar ndeshjen me ish-kampionin e UFC-së në ‘Old Trafford’, dhe derisa Khabibi lavdëroi të rinjtë e Unitedit, Ferguson u duk se nuk u pajtua me taktikat e Solskjaerit për ta lënë Ronaldon në bankën rezervë.

Duke folur me ish-trajnerin e Unitedit, Khabib tha: ”Këta djelmosha të rinj kundër një skuadraje të mirë, ata u munduan të tregojnë paraqitjen më të mirë.”

Ferguson u përgjigj: ”Natyrisht. Por gjithashtu mendoj se kur e panë se Ronaldo nuk po luante.”

Khabib: ”Po, por ai u inkuadrua në pjesën e dytë.”

Ferguson: ”E di, por ti duhet të startosh gjithmonë lojtarin më të mirë.” /Periskopi.com/

I have finally added subtitles and boosted the audio.

Now you should be able to specifically make out what Sir Alex Ferguson said to Khabib Nurmagomedov about what Manchester United should’ve done with Cristiano Ronaldo, and hear Khabib answer questions about Conor McGregor. pic.twitter.com/Rb1zQtliff

— Zoheb MMA (@ZohebMMA) October 3, 2021