Zlatan Ibrahimovic mund të marrë një dënim brutal për fyerjet ndaj Lukakut

Ish-bashkëlojtarët te Manchester Unitedi u përplasën kokë më kokë, literalisht, pas një ndërhyrjeje të Alessio Romagnolit në belgun, transmeton Periskopi.

Pa fansa brenda stadiumit ‘San Siro’ në fitoren 2-1 të Interit, pamjet kanë kapur gjithçka që është thënë.

Ibrahimovic e quajti Lukakun ‘gomar’ dhe si përgjigje, sulmuesi i ‘Nerazzurrëve’ e quajti atë ‘bir k*rve’, dhe i tha ‘do të të gjuaj në kokë’.

Përplasja u shndrrua në një episodë brutal. Megjithatë, një koment i Ibrahimovicit ka rrëmbyer vëmendje më të madhe. Në video ai shihet dhe dëgjohet duke i thënë Lukakut ‘shko bëre atë gjënë me vudu.’

The war of words with Lukaku that led to Zlatan Ibrahimović’s first yellow card in the first half:

“Go do your voodoo s***, you little donkey!” (@semo33xx) pic.twitter.com/RbBMTuzFhj

— Get Italian Football News (@_GIFN) January 26, 2021

Disa besojnë se kjo ishte reference nga koha kur Lukaku ishte tek Evertoni dhe pronari i klubit, Farhad Moshiri kishte thënë se ai kishte vizituar një shtrigë dhe eventualisht refuzoi vazhdimin e kontratës për shkak të një ‘vuduje’.

Çështja ende nuk ka përfunduar. ‘Football Italia’ raporton se Federata Italiane e Futbollit (FIGC) po heton nëse duhet të merren masa tjera dhe do të rishikohen videot e incidentit, derisa poashtu do të shikohet raporti i gjyqtarit.

‘La Stampa’ potencon se, nëse gjendet fajtor për racizëm, Ibrahimovic mund të dënohet me dhjetë ndeshje moslojë. /Periskopi.com/