12 minuta më parëPse u lejuan Labinotë Demi e Liburn Aliu të merrnin pjesë në zgjedhje?
Periskopi(5 vite më parë)
(5 vite më parë)Gjykata Supreme ka nxjerrë vendimin ku përfundimisht ia ndalon kandidimin për deputet kandidatit të VV-së për kryeministër, Albin Kurtit. Sidoqoftë, vendimi i Supremes i ka hedhur poshtë vendimet e PZAP-it dhe KQZ-së sa i përket rastit të kandidates Labinotë Demi Murtezi dhe kandidatit Liburn Aliu. Për rastin e të dyve duket se është keq-lexuar data […]
Sidoqoftë, vendimi i Supremes i ka hedhur poshtë vendimet e PZAP-it dhe KQZ-së sa i përket rastit të kandidates Labinotë Demi Murtezi dhe kandidatit Liburn Aliu.
Për rastin e të dyve duket se është keq-lexuar data e zgjedhjeve. Në vend se të lexohej 14 shkurti, është lexuar data e shpalljes së zgjedhjeve, e që ishte 6 janari, shkruan Periskopi.
Vendimi i plotë:
- Ankesa e ushtruar nga subjekti politik Lëvizja Vetëvendosje, është pranuar pjesërisht e themeltë nga kolegji i Gjykatës Supreme. Është ndryshuar pjesërisht vendimi i PZAP-së, Anr.17/2021, dhe vendimi i Komisionit Qendror të Zgjedhjeve (KQZ) Nr.244-2021, lidhur me certifikimin e kandidatëve për deputetë, duke urdhëruar KQZ-në, që kandidatët për deputetë Liburn Aliu dhe Labinotë Demi Murtezi, t’i përfshijë në listën e kandidatëve për deputetë. Ndërkaq, është refuzuar pjesërisht e pabazuar ankesa e LVV-së, duke vërtetuar vendimin e PZAP-së.
Gjykata Supreme e Kosovës e ka pranuar pjesërisht ankesën e LVV-së, për Liburn Aliun dhe Labinotë Demi Murtezin, pasi që është konstatuar se PZAP ka bërë vlerësim të gabuar të afatit 3 vjeçar duke e llogaritur ditën e shpalljes së zgjedhjeve me datë 6 janar 2021 si ditë përfundimtare për të vlerësuar afatin 3 vjeçar për përshtatshmërinë e kandidatëve, në kuptim të dispozitës të theksuar. Gjykata Supreme e Kosovës ka vlerësuar se afati 3 vjeçar duhet të llogaritet duke ju referuar datës së aktgjykimit penal të formës së prerë për secilin kandidat veç e veç e deri në ditën e mbajtjes së zgjedhjeve, që në këtë rast është data 14 shkurt 2021.
