disa sekonda më parëNdalet përfundimisht trendi pozitiv: 316 raste të reja, 3 të vdekur
Periskopi(5 vite më parë)
(5 vite më parë)Instituti Kombëtar i Shëndetësisë Publike të Kosovës [IKShPK] ka publikuar raportin 24 orësh të pandemisë në vendin tonë. Përgjatë ditëve të kaluara ajo që shqetësonte vazhdimisht ishte numri më i lartë i rasteve të të infektuarve se sa ai i të shëruarve duke i dhënë fund trendit pozitiv. Kjo gjë çon në rritje të rasteve […]
Përgjatë ditëve të kaluara ajo që shqetësonte vazhdimisht ishte numri më i lartë i rasteve të të infektuarve se sa ai i të shëruarve duke i dhënë fund trendit pozitiv. Kjo gjë çon në rritje të rasteve aktive në vend.
Në 24 orët e fundit ndërkohë janë shënuar 316 raste të reja ndërkohë që janë shëruar vetëm 195, përcjell Periskopi.
Përsëri numri më i madh i rasteve, dukshëm, është në Prishtinë [116].
Përgjatë 24 orëve kanë gjetur vdekjen nga Covid-19 tre qytetarë të vendit, dy nga Prishtina dhe një nga Drenasi.
Për herë të parë pas shumë kohësh, numri i rasteve aktive shkon në mbi 6 mijë. /Periskopi
Raporti i plotë:
195 TË SHËRUAR DHE 316 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.652 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 316 raste pozitive.
Brenda 24 orëve janë raportuar 3 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 2 raste (85, 81 vjeç), Drenas 1 rast (74 vjeç).
Numri total i rasteve pozitive është 59.304 raste nga 227.482 persona të dyshimtë në virusin SARS-CoV-2 dhe 1.482 raste të vdekjes.
Gjatë 24 orëve të fundit, janë shëruar 195 pacientë derisa numri i përgjithshëm i të shëruarve deri më sot është gjithsej 51.713 raste, kurse numri i rasteve aktive është 6.109.
Rastet pozitive janë nga komunat: Prishtinë 116 raste, Prizren 35 raste, Mitrovicë 23 raste, Gjilan 21 raste, Vushtrri 15 raste, Fushë-Kosovë 12 raste, Gjakovë 10 raste, Lipjan 10 raste, Ferizaj 9 raste, Skenderaj 9 raste, Viti 8 raste, Kamenicë 6 raste, Podujevë 6 raste, Rahovec 6 raste, Dragash 5 raste, Klinë 5 raste, Drenas 4 raste, Kaçanik 3 raste, Malishevë 3 raste, Obiliq 2 raste, Pejë 2 raste, Suharekë 2 raste dhe me nga një rast komunat Graçanicë, Istog, Novobërdë dhe Shtime.
Mbuloni gojën dhe hundën me maskë!
Mbani higjienën!
Respektoni distancën!
