Lorik Cana në InstaLive me Vjosa Osmanin: 85% e futbollistëve të Kosovës janë rritur jashtë, ky është problemi

Lorik Cana në një bisedë në Instagram Live me ushtruesen e presidentes në detyrë, Vjosa Osmanin, ka zbuluar sfidat kryesore të Kosovës në futboll dhe zhvillimit të talentëve vendorë, shkruan periskopi.

Kapiteni legjendar shqiptar hedhi në pah faktin se kosovarët gjejnë vend dhe hapësira të mëdha në Kombëtare si Zvicra, por u mungojnë kushtet që të zhvillohen në vendlindje, shkruan Periskopi.

Ai potencoi se vetëm emra si Milot Rashica, Amir Rrahmani dhe Vedat Muriqi kanë luajtur për klube kosovare, derisa të tjerët janë zhvilluar jashtë.

”80% apo 85% e skuadrës së Kosovës është rritur jashtë. Kushtet, njerëzit, programi që sporti te ne të arrijë në nivele është sfida kryesore,” u shpreh Cana.

”E patëm një mundësi të artë për të shkuar në Kampionatin Evropian, për fat të keq nuk ishim në momentin më të mirë, por besoj që së shumë shpejt do t’i kemi mundësitë tona për të na përfaqësu.” /Periskopi.com/