Klubet shqiptare të futbollit vazhdojnë bojkotin, nuk pranuan të zhvillojnë ndeshjet as sot

Apolonia – Bylis, Tirana – Teuta, Kukesi – Partizani, Laçi – Kastrioti dhe Skënderbeu – Vllaznia, ishin ndeshjet e parapara që të zhvillohen sot.

Mirëpo, klubet shqiptare po vazhdojnë të qëndrojnë prapa kauzës së tyre deri në plotësimin e kushteve të kërkuara nga ata.

Në të gjitha stadiumet ku ishin të parapara të zhvillohen ndeshjet sot, skuadrat kanë hyrë në fushë dhe kapitenët e skuadrave përkatëse kanë lexuar nga një letër, duke i bërë thirrje qeverisë t’ua plotësojnë kushtet ose në të kundërten do vazhdojnë me bojkotin.

Pas leximit të letrave, futbollistët kanë lëshuar fushën dhe ndeshjet nuk janë zhvilluar.