KF Liria e Prizrenit i kërkon para Lazios pas transferimit të Muriqit

Gjatë ditës së djeshme, Vedat Muriqi edhe zyrtarisht iu bashkua Lazios, me klubin italian që i pagoi 17.5 milionë euro (pa përfshirë bonuset) Fenerbahces.

Megjithatë, së fundmi është shfaqur një tjetër problem. Sipas rregullave nga FIFA, 5% nga shuma e transferimit i takon klubit të parë të lojtarit, në këtë rast Lirisë, mirëpo këto para përsëri u raportua se do t’i shkojnë klubeve nga Shqipëria, Teutës dhe Besës, aty ku Muriqi kishte luajtur pas Lirisë.

26 vjeçari është futbollist që hapat e parë ka marrë te klubi prizrenas, KF Liria, aty ku kishte kaluar shtatë vite (2006/13). Kosova nuk ishte e pranuar në FIFA dhe UEFA dhe kësioj klubet kosovare nuk gëzonin të drejtat e 5% të shumës, por KF Liria do i kërkoj tani.

Klubi prizrenas i ka nisur një letër zyrtare klubit të Lazios, duke i bashkangjitur edhe provat si: Kontratën profesionale të Muriqit me klubin, pasaportën e lojtarit të lëshura nga Federata e Futbollit e Kosovës dhe letër konfirmimin nga Federata e Futbollit e Kosovës.

Nga Liria, Vedat Muriqi kishte kaluar te Teuta e Durrësit, teksa më vonë kishte luajtur edhe për Besën e Kavajës