Këto janë fjalët e Amir Rrahmani para ndeshjes me Greqinë

Kosova do të pres Greqinë nesër në ‘Fadil Vokrri’, në një ndeshje që do të jetë e vlefshme për Ligën e Kombeve.

Rrahmani ka përmendur mungesat e Kosovës, por ka thënë se pret që lojtarët të japin maksimumin si gjithmonë.

“Në ndeshjen ndaj Moldavisë shkuam mirë, por mungonte finalizimi dhe pasimi i fundit.”

“Mungesa e Rashicës? E vërtetë se na mungojnë shumë futbollistë. Mungesa e lojtarëve të rëndësishëm vërehet edhe te kombëtaret e mëdha. Shpresoj që futbollistët që aktivizohen ta kryejnë punën ashtu siç duhet dhe të bëjmë ndeshje të mirë.”

“Sot do të bëjmë stërvitjen e parë. Presim të bëjmë sa më mirë. Mungesat janë evidente, por presim që lojtarët që luajnë të bëjnë maksimumin, siç kanë bërë gjithmonë.”

Rrahmani pritet të jetë titullar në ndeshjen ndaj Greqisë.