Challandes ka dy fjalë për grekët para ndeshjes së nesërme

Kjo është ndeshja e dytë në këtë grup e këtyre dy skuadrave.

“Nëse flasim për ndeshjet e këtij grupi, sigurisht që është ndeshja më e rëndësishme”.

“Greqia është favorite e grupit dhe kanë bërë shumë ndeshje të mira me përzgjedhësin e ri. Megjithatë ne duhet të provojmë të marrin maksimumin nga kjo ndeshje”, deklaroi ai.

Challandes e pranoi se mund të ndryshojë sistemin e lojës, por asnjëherë nuk do të luajë për ndonjë rezultat tjetër përveç fitores.

“Për shkak të mungesave të shumta mund të ndryshojmë sistemin e lojës, por nganjëherë kjo varët edhe nga loja e kundërshtarit. Gjithsesi, ne nuk hyjmë për asnjë rezultat tjetër përveç fitores”.

“Filozofia ime e punës nuk ma lejon ta përgatisë asnjë ndeshje për barazim vetëm për fitore. Sigurisht që nuk do të jetë lehtë por ne do të kërkojmë lojën tonë”, ka thënë Challandes.

Kosova – Greqia zhvillohet nesër (e diel) nga ora 20:45 në stadiumin “Fadil Vokrri” në Prishtinë.